بدرية طلبة تفتح النار على محمود المهدي.. والأخير: حسبي الله ونعم الوكيل

فتحت الفنانة بدرية طلبة النار ، على محمود المهدى بعد انفصاله عن الفنانة منة عرفة صباح اليوم ، وبسبب خلافاته مع الدكتور أشرف ذكى نقيب المهن التمثيلية.

وقالت الفنانة بدرية طلبة عبر حسابها الشخصى على الفيسبوك “عايز تتشهر ؟ اطلع اشتم فنان ..عايز شهرة أكتر؟؟ اشتم الوسط الفني ، عايز شهرة اكتر واكتر؟ لايڤات كتير واشتم”.

جات لى تهديدات من أشخاص بالنقابة.. طليق منه عرفة يثير الجدل من جديد

وأضافت الفنانة بدرية طلبة " بتشتغل ايه؟ ممثل بنتج لنفسي بفلوسي
متجوز مين؟؟ ممثلة
طب بعد اللايڤات والشتيمة اتشهرت ؟؟ 
لالا طب عملت أيه؟؟ طلقت مراتي الممثلة!
بجد ولا زى كل مرة؟؟؟ مش عارف حسألها  انا مش فاضى
بتعمل ايه ؟؟؟ انا طالع لايف يمكن المرة دى أتشهر "

وتابعت ،  لما لوسط الفني بالبشاعة دى بتتمحك فيه ليه .. بطالب النقابة تقاضى أي نكرة يقل أدبه علي أي فنان دا حقنا عند نقابتنا كفايه بقي تلطيش وقلة أدب فينا مش حنفضل على نظام الحسنة تخص والسيئة تعم أحنا عندنا عيلة واولاد وأحفاد مش كل شوية مريض شهرة يطلع يقل أدبه .

وقام محمود المهدى بالرد على الفنانة بدرية طلبة من خلال الحساب الرسمى على موقع التواصل الاجتماعى انستجرام “ حسبى الله ونعم الوكيل … فى حد كدة ضمن انه يطلع موسم الرياض على طول ”