EN
تواصل محكمة جنايات القاهرة المنعقدة بمجمع محاكم العباسية، برئاسة المستشار خليل عُمر، نظر جلسة الاستماع الي الشهود النفي، خلال محاكمة حسن راتب وعلاء حسانين و٢١ آخرين في قضية "الأثار الكبرى".
تعقد الجلسة برئاسة المستشار خليل خضر، وعضوية المستشارين مصطفى رشاد عبدالتواب ومحمد شريف صبري وعوني محمد مطر، وسكرتارية محمد عبدالعزيز وحمدي درويش.
سؤال طارق جميل سعيد دفاع المتهم علاء حسانين لشاهد النفي الأول.
س/ هل علاء حسانين قالك انه بيشتغل في الآثار
ج/ أنا لما توسطت للحل بينه وبين حسن راتب قالي على موضوع الآثار لكن أنا مشوفتش علاء بيتاجر في الآثار، وساعتها معرفش كان الكلام على محمل الجد أو بيهزر.
وأضاف،لما توسطت وروحت علشان احل المشكلة اتصدمت من كلامه، ونقلت الكلام لحسن راتب، لكن لو في اي مشكلة بينهم مكنش علاء اخدني علشان اروح اشهد في المحكمة.
س/ هل أثير أمامك في أي من جلسات الصلح أي شيء عن الآثار
ج / أنا لما روحت النيابة علشان يسألوني مكنتش اعرف أي حاجة، ولو كنت سمعت انهم بيتاجروا في الآثار كنت هقول في النيابة الكلام ده.
س/ أين يقع المكان الذي تم التقابل فيه مع علاء حسانين للتوسط بين حسن راتب
ج/ مش فاكر لأن الكلام كان من 5 سنوات.
