EN
عبرت الفنانة الكوميدية، نشوى مصطفي، عن ألمها من وجع الأسنان بطريقة ساخرة.
وكتبت نشوى مصطفى، عبر حسابها بموقع فيسبوك: "لما الغدر يجى لك من اقرب حاجة لروحك — لما هذا الغادر اللي كان مصاحبنى تقريباً خمسين سنة وكنت مستأمناه على حياتى يخونى ومش كده بس — ده تآمر عليا هو ومجموعة كبيرة من المحيطين بيه بمنتهى الخسة ولا راعو العشرة والعيش والملح اللي بينا وعمالين يطعنونى بخناجر فى راسى وقلبى وروحى — لما احاول بكل الطرق انى اتجنب الالم اللي سببوه ليا بكل الوسائل اللي وصلت للمهدئات ويزودوا بمنتهى الغباوة الطعن المميت — تفتكروا اعمل ايه .
وتابعت نشوى مصطفى: أنا خلاص قررت اخلعه من حياتى — ضرس العقل اللي فى الفك العلوى متزعم حركة تمرد فى بوقى ومقوم عليا كل الضروس والسنان اخدت كل ماامتدت اليه ايدى من مسكنات - كتافاست وبروفين ٦٠٠ وبنادول وبرضو عمال يصرخ فى بوقى — ادعولى يهدى شوية لانى فعلياً ألم وجع السنان اصعب من ألم الولادة.
وفي سياق أخر،كشفت الفنانة نشوى مصطفى، عبر حسابها الشخصي على موقع التواصل الاجتماعي فيس بوك، عن سبب تعرضها للاكتئاب في بعض الأحيان وأسباب اعتذارها عن الأعمال الفنية.
وكتبت نشوى مصطفى: “حاحكى لكم حكاية على سبيل الفضفضة واسفة لو حازعجكم، بقالي فترة طويلة مش باشتغل التمثيل اللي اتمناه، اللي هو طموحي، واللي هو أنا لحد اللحظة دي مامثلتش طموحي، ولا حتى شبه طموحي، إلا في شوية أعمال يتعدوا على الصوابع ومنهم مثلًا المسرحية اللي كتبتها على مقاس احلامي في التمثيل، أقصد سيلفي مع الموت، ولأن الكلام ده كان من أربع سنين فاالتمثيل وحشني أوي”.
وأضافت: «كنت فاكرة أن أي شغل حيجى لى حوافق على طول، لقيت نفسى بيتعرض عليا ادوار باقراها واعتذر، وبعد ما اعتذر اقعد فترة مكتئبة والوم نفسى طيب ليه اعتذرت، فانفسى ترد تقول لى ماهو انتى ماحسيتيش انك حابة اللي قريتيه يومين تلاتة وانسى».
