الإشراف العام
إلهام أبو الفتح
رئيس التحرير
أحمــد صبـري
الإشراف العام
إلهام أبو الفتح
رئيس التحرير
أحمــد صبـري

هيثم الحاج علي: استهدفنا أن يكون " القاهرة للكتاب" من المعارض العالمية

 هيثم الحاج
هيثم الحاج

قال هيثم الحاج علي، رئيس الهيئة العامة للكتاب، إن بعد إغلاق معرض الكتاب أبوابه مع نهاية كل دورة له يقوم المنظمون بالسعي قدما نحو تطوير النسخ التالية له، «بعد ما بناخد أجازة 48 ساعة بنقعد نذاكر إيه اللي حصل الدورة السابقة، إيه اللي محتاجين نثبته وإيه اللي محتاجين نطوره ونزوده، وإيه اللي محتاجين نلغيه خالص ».

وأضاف «علي» خلال استضافته ببرنامج «في المساء مع قصواء»، وتقدمه الإعلامية قصواء الخلالي، المذاع على قناة سي بي سي، أن الدورة السابقة كان بها عددا من المشكلات كالدخول واستيعاب الجمهور للمكان والإجراءات الاحترازية وكيفية تطبيقها، وسنسعي خلال الفترة المقبلة إلى تطوير ذلك من أجل الانطلاق.

وقال: «أهم حاجتين فكرنا فيهم من بعد نهاية الدورة السابقة هو أزاي نعمل تحول رقمي وأزاي نعمل الحاجات اللي كانت ناقصة على مدار تاريخ المعرض ليكون المعرض مهني يخدم صناعة النشر وليس مجرد سوق كتب كبير أو حدث ثقافي، ودول اللي قعدنا نتناقش فيهم كتير وأزاي نعمل ده ونحط الحجات اللي محتاجينهم، وده اللي كان ناقص علشان المعرض يكون في مصاف المعارض العالمية».
 

وأكد أن معظم المفاجآت التي طرأت خلال أيام عمل المعرض معظمها كان إيجابي، حيث ان المعرض لا يكتمل دائما بدون ناسه، وهو الأمر الذي دائما ما يساعد في نجاح المعرض، «أحنا بنحسب نجاح المعرض بـ3 عناصر، الزيارات للمعرض، ومعدلات البيع عند الناشرين خاصة القطاع الخاص، وانتظام الفعاليات وأثرها».

وتابع أنه تم زيادة عنصر رابع على تلك العناصر هو مدى أثر المنصة الرقمية للمعرض، وكان هو المحور الجديد الذي عملت عليه إدارة المعرض، «إذا كان معدلات كثافة الجمهور خصوصا في الثلث الأخير لأيام المعرض فاقت التوقعات فهو أمر يعود لكافة العاملين والمنظمين والمتطوعين بالمعرض، حيث أنه وبالرغم من الكثافة الشديدة جدا فمحدش حس بمشاكل الزحام، المسائل كانت سلسة وعادية».

وتابع: «نطمح لتوصيل الكتاب المصري لجميع دول العالم عبر المنصة الرقمية للمعرض، وهتكون مربوطة إلكترونيا بالمخارن، وهنعمل إجراء تعاوني مع هيئة البريد علشان يكون فيه جزء خاص في كل مخزن لكل ناشر، ومظنش أن الحكاية هتكون صعبة، وأحنا مجهزين المنصة علشان تعمل ده».