EN 
حالة من الجدل الواسع أثارها كل من الفنانة شمس ومؤدى المهرجانات حمو بيكا حيث نشب بينهما خلاف حاد بسبب التصريحات المتبادلة بين الطرفين.
ونرصد فى التقرير التالى القصة الكاملة لأزمة الفنانة شمس التى ظهرت بعد غياب طويل عن الساحة الفنية ومؤدى المهرجانات حمو بيكا.
أزمة شمس مع حمو بيكا
كانت البداية مع الفنانة شمس والتى تحدثت فى عدد من اللقاءات من قبل أن بداية معرفتها بمؤدى المهرجانات حمو بيكا كان من خلال مسلسل كانت تشارك فيه وأيضا حمو بيكا وعندما علمت بوجوده اعتذرت لأن النقابة التي ينتمي إليها ترفضه لذا لا يمكنني مشاركته فى عمل، وهو مش أخلاق.
وتحدثت أيضا شمس عن خلافها مع حمو بيكا، معقبا: "أصلا مين حمو بيكا وانا مليش علاقة بيه ومظنش انه اسكندراني.. اكيد من مكان تاني".
وأضافت "شمس"، خلال حوارها ببرنامج "نص الكلام" المذاع عبر فضائية "النهار": "محصلش بيني وبينه حاجة.. واصلا مينفعش.. كل الموضوع ان فيه حاجة شخصية وجعتني لانه كان بيعمل مسلسل وكان المخرج بتاعه كان لسة عاملي فيلم وطلبوني فى المسلسل دا وإعتذرت".
وتابعت: "انا أول ما مرة اشتغلت كان مع العظيمة يسرا وأحمد رمزى.. عمرى ما شوفت تواضع زى اللي شوفته معاهم.. بيكا بيقول شمس معرفهاش.. انا اللي بقالي 25 سنة بمثل عيب عليك".
وأشارت: "تعالي اتفرجي على الفيديوهات اما بيكسر عربيات الناس وبيتخانق معاهم كنا بنقول يمكن بيتبلوا عليه.. ولكن لا دا شخصيا بقا.. وانا لو زعلانة من حد هبتسمله على الأقل والفن له أصول.. وأنت أصلا مش موهوب ولا شكل ولا منظر ولا موهبة وكمان قلة أدب.. عيب.. ودي مش أول مرة وطول ماهو ماشي بيخبط مع الناس".
رد حمو بيكا
ورد مؤدي المهرجانات حمو بيكا على الفنانة شمس بعد هجومها عليه في أحد البرامج .
وكتب حمو بيكا عبر حسابه الرسمي على موقع التواصل الاجتماعي فيسبوك": ردًّا على تصريح الفنانة شمس بالإساءة لي في برنامج ما، أنا عمري في حياتي يا أستاذة شمس ما قولت أنا مش عارفك، بالعكس أنا عارفك وبحبك جدًّا.
أضاف حمو بيكا: لو وصل لحضرتك أي كلمة منسوبة عني فـ أنا من على صفحتي الرسمية بقول لـ حضرتك إني عمري ما قولت كده.
واختتم حمو بيكا حديثه موجها رسالة لـ شمس، قائلا: وأنا بحبك جدًّا وعارفك وبحترمك جدًّا، وشكرًا جدًا على كلامك عني، وأنتي على دماغي من فوق وليكي كل الاحترام والتقدير لحضرتك.
