EN 
قال المطرب الشعبي عبد الباسط حمودة، إنه مستعد لتعليم مطرب المهرجانات حمو بيكا الغناء في 30 يوم فقط، موضحا أن حمو بيكا في الأساس مغني ولكن ينقصه تعلم طريقة الغناء الصحيح والمقامات الموسيقية.
وأضاف «عبد الباسط حمودة» خلال تصريحات لـ «ETC»: «حمو بيكا بعتبره أبني وأنا بحبه علشان هو إنسان طيب، بس هو لو يديني ودنه ونفسه شهر أنا هعمله يغني ازاي وهو انسان عنده طموح وعايز ياكل عيش ولازم ناخد بأيده، وأنا عيني ليه».
وتابع «عبد الباسط حمودة»: «اقسم بالله أعلم بيكا الغناء في شهر واحد بس كأنه بيغني 30 سنة، وأنا بتصل بحمو بيكا وبلاقي تليفونه مقفول ومش عارف أوصله، وهغني معاه».
وقال «عبد الباسط حمودة»: «أنا علمت ناس كتير وطلعوا من تحت إيدي وهما دلوقتي نجوم كبار وأخدوا مني، منهم أحمد شيبه، وطارق الشيخ، ومحمود الليثي، ونيكول سابا، ودنيا سمير غانم، وعبد الباسط حمودة هيخلي حمو بيكا يغني».
هاني شاكر لم يمنع أحدا من الغناء
وأكمل «عبد الباسط حمودة» : «عمر كمال فنان في الغناء، وحسن شاكوش يجي منه، وكله عايز ياكل عيش، هاني شاكر راجل محترم ولم يمنع أحد من الغناء، ومش عايز يزعل حد» .
