أكرم حسني: فيه كيميا بيني وبين أحمد فهمي.. ووارد أشتغل مع شيكو وهشام ماجد

أكد الفنان أكرم حسني، أنه كان يتمنى العمل في النجم الراحل سمير غانم لأنه يمثل قيمة مهمة وصعب تعويضه، قائلا: "كان نفسى اشتغل مع سمير غانم وهو مدرسة لوحده وكان بيمثل قيمة مهمة وصعب حد يعمل اللي كان بيعمله وبحب مسلسل ميزو وافيهاته التلقائية فى التمثيل وممكن اعمل حاجة زي ميزو".

وأشار الفنان أكرم حسني، خلال حوار ببرنامج "حبر سري" مع الاعلامية اسما ابراهيم، على قناة القاهرة والناس، إلى أنه يحب الثنائيات في العمل مع النجم أحمد فهمي، مضيفا: "مفيش حاجة اسمها ثنائية ممكن تنتهى طول ما في أدوار هتبقى اضافة لنا احنا الاثنين هنشتغل، وفي كيما بيني وبين أحمد فهمي وبنحب الشغل مع بعض ولو فى حاجة تضيف لنا هنعملها علطول وهو اخويا وحبيبي وبحب اشتغل معاه طول الوقت".

وعن امكانية عمله مع شيكو وهشام ماجد رد قائلا: "أنا عملت مع شيكو وهشام ماجد مسرحية ووارد نشتغل مع بعض وأي دور يجي يبقى اضافة لنا هنعمله علطول".