حادث غريب.. شاب يجلس على سور بلكونة الجيران أثناء احتراق شقته| شاهد

قال وليد نجم، شاهد عيان، إن هناك مقطع فيديو تداوله أهالي محافظة بورسعيد، والذي يرصد مواطن شاب يجلس على سور أحد البلكونات، وفي نفس اللحظة الشقة الأعلى منه تحترق بالكامل، مشيراً إلى أن هذا الحدث كان في منطقة عمر بن الخطاب في حي الزهور بمحافظة بورسعيد.

وأضاف وليد نجم في مداخلة هاتفية مع برنامج "صباحك مصري" المُذاع على فائية "إم بي سي مصر"، قائلاً: "الشاب اللي كان يجلس على السور بلكونة الجيران، هو اللي حرق الشقة الأعلى منه، وهي شقته .. يعني هو اللي ولع في شقته".

وتابع شاهد عيان أن هذا الشاب مسجل خطر، ومسجل جنائي في قضايا كثيرة منها: مشاجرات ومخدرات، معقباً: "الشخص ده بدأ يرمي التسجيل والزجاج وأشياء من عفش شقته، على السيارات والمارة في الشارع".

وأكمل وليد نجم: "الناس بدأت تزعقله وتشتم فيه وهو مش بيستجيب ليهم .. وبعدين الناس بدأت تخبط على الشقة عنده ولكن هو مفتحش ومرضاش يستجيب .. وطلع على الشباك بتاع أوضة النوم وحرق الشقة".

وعقب: "هو مكنش مغيب ولا شارب حاجة .. لأنه نزل من الدور الخامس حتى الدور الأول بطريقة محترفة وواحد متمكن .. ليس مجنون أو مغيب .. كان بيمسك المنشر لحد ما نزل وقعد على السور وولع سجارة".

وأردف: " أنا ساكن في الشقة اللي فوقيه وشقتي اتعرضت لبعض الحروقات والاختناق .. وده الشخص ده دائم المشاكل .. وسوابق .. وديه مش الواقعة الأولى .. كان بيضرب أخوه وزوجة أخوه ويكسر البيت عليهم .. وبعدين يعور نفسه".

واستطرد شاهد عيان: "ده شخص عاطل وكان متزوج .. ويعيش في الشقة ديه مع أخوه وزوجة أخوه .. كان فاتح مغسلة تحت البيت وقافلها".

ونوه شاهد عيان أن قامت الشرطة بمعاينة الواقعة، والقبض عليه.