قدمت الإعلامية نهال طايل حلقة جديدة من برنامج «تفاصيل» المذاع على قناة «صدى البلد2» لعرض تفاصيل الحادث الأليم لـ لص دخل من شباك المطبخ وحاول هتك عرض وذبح سيدة أمام طفلها الصغير بالغربية، واستمر في تعذيبها لمدة 6 ساعات.

وقال زوج ضحية المحلة خلال لقائه مع كاميرا برنامج "تفاصيل"، إنه جاء بعد انتهاء الواقعة، معقباً: "أنا جيت بعد الحوار ما خلص .. ولاقيت اللمبة بتاعت السلم مطفية .. والمفاتيح موجودة في باب الشقة من جوا".

وتابع: "استغربت لأننا عمرنا ما بنطفي اللمبة .. فجيت أفتح الباب معرفتش .. قعدت أخبط 10 دقايق على الباب .. وبعدها فتحتلي .. وشكل مراتي كان غريب .. وشها كله كان بيجيب دم .. وشعرها منكوش .. وايديها كلها دم .. ومكنتش قادرة تقف".

وأكمل: "قالتالي كلمتين بس .. فيه حد جوا .. انزل هات ناس من تحت .. وراحت قافلة الباب .. حاولت افتح الباب معرفتش .. فنزلت وقفت تحت دقيقتين وطلعت تاني .. لاقيت الباب مفتوح وهي مرمية على الأرض .. قولتلها هو فين .. قالتالي على السطح".

وتابع: "اللص ده كان شغال معايا من 3 شهور ومكنش فيه بينا أي مشاكل .. ومش عارف عمل كده ليه .. ولا عايز إيه من مراتي أصلا .. ولا كان يعرف مراتي ولا مراتي تعرفه أصلاً".