أحمد آدم عن مصطلح "نمبر وان": كل واحد بيعمل لقب لنفسه

علق الفنان أحمد آدم، علي الألقاب التي يطلقها الفنانون على أنفسهم، مثل: الهضبة، نمبر وان، ملبن مصر، قائلاً: "موضة الألقاب ديه من زمان، ولكن يختلف حالياً إن كان الجهور زمان هو اللي بيلقب الفنان.. لكن دلوقت بقى كل واحد يعمل لقب نفسه".

وأضاف أحمد آدم خلال لقائه مع برنامج "كلام الناس" المُذاع على فضائية "إم بي سي مصر"، قائلاً: "أنا مبحبش شغل الألقاب ديه .. ولو اتعرض عليا.. هسمي نفسي أحمد آدم بردو من غير ولا لقب ولا أي حاجة قبل منه.. ده حتى اسمي حلو وموسيقي".

وحول مواقع التواصل الاجتماعي وخاصة "الفيسبوك"، عقب الفنان قائلاً: "أنا مسميه السرايا الزرقاء.. أبلكيشن في الضياع وهيضيعنا وخلى الناس كلها في الهلالة".

وتابع أحمد آدم: "الأول كان كل واحد بيقعد على القهوة مع صحابه، ويقول كلمتين واللي معاه يقتنعوا أو ميقتنعوش مش مهم.. لكن المصيبة دلوقتي إن كل واحد بقى بيقول الكلمتين دول على النت.. وبيستعمل المواقع على إنها جريدة".

وأكمل: "الشهرة بتبقى ربع ساعة وبيجي بعدها تريند تاني وهكذا".