EN
عبّرت الفنانة إلهام شاهين، عن حبها الشديد للفنان الراحل سمير غانم، مشيرة - في ذكري ميلاده - إلى إنها كانت تجمعها به علاقة صداقة مميزة.
وقالت إلهام شاهين، في تصريح لـ “صدى البلد”: "أحلى عشرة مع فنان عشت معاه أيام الشغل هو سمير غانم لأن المسرح غير الفيلم بيبقى تصوير شهر شهرين وكل واحد يروح في طريقه، والمسلسل كام شهر أما سمير أنا قعدت معاه على المسرح خمس سنين كل يوم بنتقابل ولفينا دول كتير مع بعض في مسرحية "بهلول في إسطنبول"، عرضنا في لبنان والكويت والإمارات، في الاجازات وطول السنة بنعرض في مصر".
وتابعت قائلة: "كنت هعمل المسرحية سنة واحدة لكن من كتر انبساطي بالشغل مع سمير غانم كنت بجدد العقد كل سنة، أكتر إنسان مسالم وفنان متجدد لدرجة إنه عنده إفيهات ثابتة وكل مرة بتضحك الجمهور لكن في أيام ميقولهاش عشان يقول أنا أجدد لنفسي واحس بالتغيير، فنان عبقري في الكوميديا، بالنسبالي أكتر فنان ممكن يضحكني من قلبي هو سمير غانم كان حالة مميزة جداً".
يذكر أن تحل اليوم 15 يناير ذكرى ميلاد الفنان الراحل سمير غانم الذى قدم عديد من الأعمال الفنية التى تظل علامة فى تاريخ السينما المصرية.
