أكدت الفنانة سمية الخشاب، أنها على علاقة جيدة بالفنانات غادة عبد الرازق ورانيا يوسف والمقارنة بينهم صعبة، قائلة: "أنا ورانيا يوسف وغادة عبد الرازق مفيش حد زي حدا وفى ناس بتطلع وترجع تقعد شويه وده العادي وطبيعية الحياة وفى مستويات حبه فوق وحبه تحت".

وأوضحت الفنانة سمية الخشاب، خلال حوارها ببرنامج "حبر سري" مع الاعلامية اسما ابراهيم، على قناة القاهرة والناس، أن كل مرحلة تفرض عملها والانتشار مراحل، مضيفة: "أنا بحب رانيا وغادة واتابع زملائي ورانيا فى مرحلة انتشار وتتعرف اكثر لحد ما توصل لمرحلة انها تبقى مش عايزة تشتغل كتير وتعمل عمل واحد افضل".

وعن حال اشتراط شخص عليها ترك عملها مقابل الزواج والأسرة، ردت قائلة: "الجواز والخلفة ده نصيب وملوش علاقة بحاجة وفى ناس كتير مشهورة وعندها بيت وأولاد والحاجات دي بتاعت ربنا ولو جه راجل اشترط يقعدني فى البيت ده مرفوض ليه يتشرط عليا ده انا اللي اتشرط عليه".