EN
حلّت الفنانة اللبنانية نور ضيفة على برنامج “صاحبة السعادة” مع الإعلامية والفنانة إسعاد يونس .
وقالت نور فى حوارها لـ صاحبة السعادة: "بداية الأمومة كانت صعبة، وكان عندي اكتئاب بسبب المسئولية والحبسة ومفيش أجازة من المسئولية هو مش فيلم نخلصه ونرتاح، دا طفل مسئول منك 24 ساعة ،وفى الطفل التانى كنت فاهمة واتعودت".
ومن ناحية اخرى تحدثت الفنانة نور عن حياتها الشخصية، قائلة: "أنا ست بيت زي أي ست بيت سواء كانت الست اللبنانية أو الست المصرية".
وقالت “نور”: "في البيت لما بكون مع ولادي مش بقف قدام المرايا وأحط مكياج".
وتابعت نور: "ممكن في البيت ألبس أي حاجة زي البيجامة، ولو في وقت شغل كبير شكلي بيتغير بشكل كبير".
وأكملت نور: "كلنا بنعمل مجهود عشان نكون في أفضل صورة أمام الجمهور ولكن في البيت أنا أم وربة منزل".
ولفتت نور: “أول لما ابني دخل المدرسة كنت بنزله لـ ”باص المدرسة" وكنت بحط ميك أب عشان الناس تشوفني كويسة ثم قررت أنزل بـ لبس البيت ومش ببص في المرايا والناس استغربوا شكلي ده".
