EN
قال اللاعب محمود كهربا، إنه في الكرة دائما لايوجد أى لاعب يتدخل فى اختيار تشكيل منتخب مصر، ومنهم محمد صلاح.
وأضاف كهربا خلال حواره ببرنامج “كلام الناس” المذاع عبر فضائية “إم بي سي مصر”: “محمد صلاح طبعا نجم ولاعب كبير، بس صعب يتدخل فى اختيار التشكيل، وعلاقتي به علاقة جيدة جدا، وأنا برا جروب الواتس بتاعهم من ساعة أما مبروحش المنتخب”.
وفي سياق متصل، تابع كهربا: “بشكر كابتن محمود الخطيب لأنه كان فى ضهري، وأتثرت جدا أما أتكلم عليا بطريقة كويس، وهو بمثابة والدي وهو بيدعمني جدا، ولو هفضل أشكر فيه لحد السنين اللي جاية مش هوفيه حقه”.
وتابع: “صعب على أى لعيب كورة يكون ماشي كويس جدا ومرة واحدة يقعد على الدكة، وصعب لما يبدأ يرجع مستواه ويرجع يلعب وبعد كدا يطلع عن الإسكور، فبتبقي صعبة أوى”.
