EN
حرص صدى البلد على التواصل مع المطرب الشعبي عصام شعبان عبد الرحيم، للرد على ما أثير من أنباء حول خلافاته مع أشقائه على الميراث، ووجود مشكلات في تقسيم التركة فيما بين أبناء شعبولا بعد عام من رحيله.
وقال عصام - نجل شعبولا - في تصريحات خاصة لموقع صدى البلد الإخباري: «مفيش أي خلافات بنا والمداخلة دي قديمة من 4 شهور وتم تداولها في الوقت الحالي لإثارة ضجة على اسم شعبان عبد الرحيم، لكن احنا اخوات ومفيش بنا وأنا الكبير أهو وبقول أخواتي كلهم جزمتهم فوق راسي».
وتابع عصام -نجل شعبولا- في تصريحاته: «أبونا سابنا مستورين وكل واحد فينا واخد شقة يعيش فيها مسجله باسمه بأوراق رسمية، وكل واحد عارف هو قاعد فين، أما باقي الورث فلم يقسم بسبب تداعيات فيروس كورونا خلال الفترة الماضية، واحنا زي أي اخوات بيحصل بنا خلاف عادي وبنرجع نتصالح».
وأضاف ابن شعبولا ، قائلًا: «والدي ما ربناش على اننا نكره بعض ولما حصل قدامه موقف وشاف أخين متخانقين مع بعض عيط ووصانا نكون مترابطين مع بعض واحنا ولاد حلال وعمرنا ما نبيع بعض، وبكررها اخواتي كلهم مستعد أشيل جزمتهم فوق راسي عشان أقول للناس اننا واحد ويكفيني شرف حب الناس لأبويا».
خلاف أبناء شعبان عبد الرحيم:
كشف عدوية شعبان عبد الرحيم ؛ نجل الفنان الراحل شعبان عبد الرحيم تفاصيل خلاف اشقائه مع شقيقه عبد الرحيم بسبب الورث .
وقال عدوية شعبان عبد الرحيم":
كانت مشكلة قديمة .. والصحافة عادت حاليا الحديث عنها ؛ عبد الرحيم اخويا كدة اتصيط خالص".
أضاف :" هو خانه التعبير او مش فاهم وراح اتخانق عند بيت عصام شقيقي الأكبر .. وهذا التصرف ليس من شكلنا اننا نعمل كدة حتي الناس الغريبة عمرها ماهتعمل كدة".
اختتم :" مفيش حاجه اتباعت وحاجه ابويا كلها عقارات .. وعصام مينفعش يبيع حاجه من ورايا علشان فيه اعلان وراثه .. او لو حاجه اتباعت مينفعش حد ياخد فلوس والتاني لا ومفيش حد فينا هيعمل كدة مع التاني ".
عدوية يستعد لأغنية جديدة مع حمو بيكا :
كشف المطرب عدوية شعبان عبد الرحيم؛ في تصريح خاص لصدى البلد عن تفاصيل اغنيته مع مؤدي المهرجانات حمو بيكا .
وقال :" عامل أغنية راب هتنزل قريب .. وانا لم أتعمد مضايقة او التعدي علي قرار منع حمو بيكا من الغناء من نقابة الموسيقيين".
أضاف :" الأغنية ليس لها علاقة بالمهرجانات ؛ والرتم بس اللي هيكون راب ؛ وحمو هيغني مش زي المهرجانات هيغني غناء عادي ".
عصام يجري عملية جراحية :
نشر عدوية شعبان عبد الرحيم فيديو لشقيقه عصام من داخل المستشفى قبل إجرائه عملية جراحية.
وقال عصام شعبان عبد الرحيم من خلال الفيديو: “أنا داخل العمليات يا عدوية.. ادعيلى ولو حصلى حاجة خلى بالك من ولادى ومن نفسك”.
وعلق عدوية عبد الرحيم على الفيديو قائلا: "الف الف سلامة علي قلبي اللي كل يوم يوجعني يارب يشفيك ياعصام ويعفي عنك.. اخويا وصحبي وضهري في الدنيا ربنا يقومك بالف سلامة عليك يانور عنيا، ربنا يشفيك ويعافيك ويرجعلك لينا بالسلامة يا اخويا وتبقى احسن من الاول ان شاء".
وكشف الفنان عصام شعبان عبد الرحيم لـ صدى البلد عن كواليس عملية القلب التى اجراها وتطورات حالته الصحية حاليا.
وقال عصام شعبان عبد الرحيم: "المطربين يقوموا كل فترة بالكشف على الأحبال الصوتية، وأثناء خضوعي هذه المرة للكشف على أحبالي الصوتية واللحمية، طلب مني الدكتور بعض الفحوصات الطبية أولا".
أضاف عصام شعبان عبد الرحيم : "فوجئت بعد ذلك في نتيجة التحاليل وجود انسداد في شرايين القلب، وطلب مني إجراء عملية حيث كان كل ذلك بالصدفة".
تابع عصام شعبان عبد الرحيم:"وبالفعل أجريت العملية مؤخرا وأنا حاليا بخير، وأشكر كل من سأل واطمئن على حالتي الصحية".
