رد اللاعب محمود كهربا، على استبعاده عن المباريات وعلاقته بموسيماني، قائلا إنه لم يتوقع، ولكن الأمر يعود لرؤية المدير الفني.

وأضاف كهربا: "الفكرة كلها أن الواحد بيعمل اللي عليه فى الملعب، وفى الأول والأخر دي بتبقي رؤية المدير الفني والجهاز الفني وأنا بحترمها جدا ومفيش لعيب يحب أنه يقعد إحتياطي، ولكن هي دي الكورة والمدير الفني له وجهة نظر واللاعب لازم يحترمها”.

وتابع كهربا، خلال حواره ببرنامج “كلام الناس” المذاع عبر فضائية “إم بي سي مصر”: “ مش كل اللي نسمعه نصدقه، أنا بتمرن كويس وملتزم وبعمل اللي عليا، ولكن فيه ناس كتير بتتكلم”.

وعن علاقته بموسيماني، قال كهربا: “علاقة كويسة جدا ومفيهاش أى مشاكل، وهو المدير الفني بتاع النادي، وآخر ماتش لعبته 90 دقيقة وعملت جونين وجبت جون، وأخدت أحسن لاعب فى الماتش، وبعده ملعبتش تاني”.