وصفت نهاد أبوالقمصان المحامية بالنقض، تعليقا على واقعة "بسنت" ضحية الابتزاز بالغربية “أن المبتزين ليسوا من البشر” قائلة "لو قولنا عليهم كلاب يبقى بنشتم الكلاب.. ولكنهم ضباع، وحتى الضباع عندهم أخلاق، وكل ضبع فيهم بيختفي ورا شاشة تلفون، وربنا يقوي أبوها وأمها في مصابهم الجلل".

وطالبت النائب العام بالوقوف في صف الراحلة لأخذ حقها، قائلة: "أطالب النائب العام يورينا حق ربنا في واقعة بسنت ضحية الابتزاز بالغربية، والتوصيف القانوني لهذه الحالة قاصر جدًا، ولو تم توثيق الحالة على أنها ابتزاز إلكتروني يبقى في منتهى الخيابة".

وتابعت في مداخلة هاتفية ببرنامج "كلمة أخيرة" الذي تقدمه الإعلامية لميس الحديدي على شاشة “ON”: “نحن أمام حالة دفعت البنت للانتحار.. واللي حصل معاها يحصل مع أي بنت.. وممكن يحصل مع الولاد برضو”.

وانتقدت أبو القمصان خوف أسرتها قائلة: “الأسرة كان لازم تقف إلى جوار البنت.. ويمسك ميكرفون الجامع ويشتمهم.. وأنا لو بنتي كنت كلتهم من مصارينهم”.

وحول حبة الغلال وتكرار استخدامها في الانتحار قالت: "حبة الغلال لازم تطلع بإذن على الحيازة الزراعية عشان ميقدرش أي عيل ولا عيلة يجيبوها.. وبقول للأسر فيه خط ساخن لمباحث الإنترنت كلموهم".

رسالة

وفي رسالة لأولياء الامور قالت: "لو بنتك في مشكلة زي كدة يبقى الأب والأم لازم يحاربوا عشان ولادهم، وأول حاجة نعود ولادنا يكلمونا، ومنقعدش نجلد فيهم، ثم نقدم بلاغ لمباحث الإنترنت، وبيوصل لنتيجة".

وأتمت: "أقول لمجلس النواب مثل هذه الحالات تحتاج الردع.. وأقول للنائب العام اعتبرها بنتك".