إنجي المقدم عن "ستات بيت المعادي": سعيدة بالتجربة وردود الأفعال

نشرت الفنانة إنجي المقدم صورة جديدة لها، عبر حسابها الشخصي بموقع التواصل الاجتماعي لتبادل الصور والفيديوهات “انستجرام”.

وعلقت إنجي المقدم علي الصورة، كاتبة: "امبارح تم عرض آخر حلقة من حلقات مسلسل #ستات_بيت_المعادي على شاهد.. سعيدة جدا انى كنت جزء من المسلسل ده و سعيدة جدا بفرصة تجسيد شخصية جديدة و مختلفة زى شخصية "شيريهان" اللى حقيقى استمتعت بكل تفاصيلها و اللى اتعلمت و استفدت من خلالها بحاجات كتير .. سعيدة جدا بالتجربة و سعيدة جدا بالنتيجة و سعيدة جدا جدا بردود الأفعال عليها و على المسلسل كله".

سعيدة بردود الفعل.. كندة علوش تعلق على دورها بمسلسل ستات بيت المعادي

بالتيجر.. إنجي المقدم في أحدث ظهور من كواليس "ستات بيت المعادي"

وتابعت: “سعيدة بالعمل مع طاقم محترف زى طاقم عمل المسلسل من إخراج و إنتاج و كاميرا و ملابس و ديكور و طبعا على رأسهم مخرج العمل الاستاذ محمد سلامة اللى حقيقى استمتعت جدا بالشغل معاه”.
 

وأكملت كاتبة: “سعيدة باختيارى لدور (شيريهان) اللى كان جديد عليا و بعيد عنى تماما و اتمنى انى اكون اديته كما يجب. سعيدة بشغلى مع زمايلى كلهم و على رأسهم الاستاذ صبرى فواز و حبيبة قلبى كندوشى اللى جمعنا المسلسل مع بعض لأول مرة فى مشهد واحد”.
 

وانهت إنجي المقدم كاتبة: “مبرووووووك النجاح يا حلوين و يارب دايما ناجحين و متألقين، حقيقى كانت رحلة ممتعة جدا بالنسبالى بكل تفاصيلها و اتمنى انكم تكونوا استمتعتم بالمسلسل زى ما كلنا استمتعنا بالعمل فيه، المسلسل لسة موجود على شاهد و اللى ماتفرجش لسة يقدر يتفرج دلوقتى على كل الحلقات كاملة”.

ستات بيت المعادي تدور أحداثه خلال ثلاثة عصور مختلفة وهي الستينيات والثمانينيات وعصرنا الحالي، في إطار من التشويق والإثارة المغلف بالكوميديا السوداء، وهو النسخة العربية للمسلسل الأمريكي Why Women Kill والذي لاقى نجاحاً عند عرضه موسمين خلال 2019 و2021.