قال الرئيس عبد الفتاح السيسي إنه تم إنفاق ما يقارب من 450 مليار جنيه لاستصلاح وتطوير مليوني ونصف فدان زراعي، متابعا: " اللي إحنا بنعمله دا المستحيل..اللي بنعمله دا هو المستحيل".

وأضاف السيسي خلال كلمته في افتتاح مشروع “توشكى الخير”،: "ما نقوم به من مشروعات أمر مستحيل بالنسبة لأي حد..إحنا بنتكلم عن استلام أرض مزروعة مش بنتكلم عن هنعملها ازاى أو تتكلف كام..إحنا بنقول بس اعملوها".

ووجه حديثه لـ رئيس الهيئة الهندسية: مادام مفيش مانع يبقى ولا ننام ولا نستريح ونفضل نطور في بلادنا ونعمل اللي علينا".

ويعتبر مشروع توشكي الخير مستقبل للشباب للجيل الحالي والأجيال القادمة، ليتحقق حلمهم عقب إعطاء قبلة الحياة لهذا المشروع الذى يقع جنوب أسوان، وكانت فكرة إنشاؤه بهدف خلق وادى جديد في الصحراء الغربية على مساحة 540 ألف فدان، وتصل في المستقبل إلى مليون فدان، موازٍ لوادي النيل.

وبلغت تكلفة مشروع توشكى الخير 6.4 مليارات جنيه، وتم البدء به في أكتوبر 2020 ، وتم زراعة 30 ألف فدان قمح خلال أول 3 أشهر من بداية المرحلة الأولى، إضافة إلى إنهاء تجهيز حوالي 100 ألف فدان قابلين للزراعة، وجارى تجهيز 100 ألف فدان أخرى بنهاية العام الجارى.

وقال المركز المصرى للفكر والدراسات في دراسة له إنه تم حفر وتبطين ترع بإجمالي طول 19,8 كم وجاري حفر ترع بطول 18,2 كم، وتم إنشاء عدد “52” محطة طلمبات تضم “219” طلمبة لضخ المياه لأجهزة الري المحوري وجارٍ إنشاء العديد من المحطات الأخرى من منطلق توفير جميع الخدمات لمشروع توشكى وإزالة كافة المعوقات التي تواجهه.