استخبى وبطل صياااح.. أحمد عيد عبد الملك يفتح النار علي إبراهيم سعيد| شاهد

هاجم أحمد عيد عبد الملك لاعب الزمالك السابق، إبراهيم سعيد بسبب هجومه الدائم على مصطفى فتحى لاعب الزمالك بشكل مستمر، على حد قوله.

وغرد أحمد عيد عبد الملك عبر صفحته الشخصية على موقع التواصل الاجتماعى تويتر، قائلا: "أنت بتعيط ليه يا ملك الدانس.. يا ابني شوية بتلعب عالجمهور ده وشوية بتلعب عالجمهور ده والمشكلة إنهم رجعو يدافعو عنك نسيو اللي كاتبتو زمان وقولتلك قبل كدة اللي بيته من ازاز وأنت كل حاجة عندك عالبحري فا استخبي بقي وبطل صيااح".

وتابع عبد الملك قائلا: “الكابتن الدولي مش عاجبه حد وبيقطع في كابتن من كباتن الزمالك ومركز معاه اووي ياريت تريح وتهدي ده قد ولادك يا جدع انا عارف انه اكل عيش بس مش كدة.. اه صحيح انت جيت الزمالك مخدتش بطولة ومشيت”.

وكان علق إبراهيم سعيد عبر حسابه علي "تويتر" علي أحداث مباراة الزمالك والمحلة أمس قائلا: "‏محلى" ياريت الشباب بتوع الإحصائيات تعمل لمصطفى فتحي اللاعب الدولي!!! عمل ايه في ماتش غزل المحلة غير الهدف والجول فاضي وإضاعه فرصة الانفراد بجول بن شرقي، أداء لا يرتقي للاعب في الزمالك".

وحقق الزمالك الفوز الثالث على التوالي وحصد الثلاث نقاط، ليصل للنقطة 19 ويحتل المركز الاول، بينما يتجمد رصيد غزل المحلة عند النقطة 10 في المرمز التاسع.