الإشراف العام
إلهام أبو الفتح
رئيس التحرير
أحمــد صبـري
الإشراف العام
إلهام أبو الفتح
رئيس التحرير
أحمــد صبـري

كانت علقة سخنة.. سر بكاء دينا ثلاثة أيام بسبب أحمد زكي

الراقصة دينا
الراقصة دينا

قالت الراقصة دينا: “انا كنت بعشق الفنان أحمد زكي الله يرحمه، والتمثيل معاه بالنسبالي كانت فرصة عمرى، وأتاخدت مني لأن المخرج محمد خان حب واحدة تانية وأداها الدور، وبالفعل تزوجها فى نص الفيلم”.

وأضافت دينا، خلال حوارها ببرنامج “واحد من الناس” المذاع عبر فضائية “الحياة”: “كنت ساعتها لسة صغيرة اني افهم ان حد يشيل حد من الشغل علشان مشاعره الشخصية، ومكنتش ممكن أتصور حاجة زي دي، وكانت علقة سخنة بالنسبالي وعيطت تلات أيام”.

وفي سياق متصل، قالت الفنانة دينا، إن أفضل لقب بالنسبة لها هي “الراقصة حافية القدمين”، معقبة: “أنا اللي من النوع اللي بيحب يمشي حافي لأني بحس بالطبيعة أكثر وأنا حافية”.

وأضافت أنها ترقص بدون إرتداء أى أحذية، وعن الهجوم الذي يلاحقها: “الواحد اللي ملوش لازمة هيهجموا الناس عليه ليه، ولكن طول ما الناس بتعترض يبقي فيه حاجة كويسة”.

وتابعت: “مبقصدش أعمل أى حاجة مثيرة للجدل، بس الناس بتعترض برضو، ولو الواحد قعد يتكعبل مع الناس اللي بترجعه لورا وأرائهم ضد اللي بيعملوا مش هيمشوا لقدام، خلي الناس يقولوا اللي يقولوا أنا ماشية فى طريقه”.

وأشارت: “الجاذبية بالنسبة لي تأتي من العقل، ممكن الشخص يتشد لواحدة بمجرد قاعدته معاها 3 دقايق بسبب عقلها، والناس المتكلفة بيتضايقوا أني طبيعية، ومليش طريقة كلام أو قاعدة”.