أكبر مني وتخينة.. سمير صبري يكشف عن سبب رفضه تقبيل وردة.. نوستالجيا

حل الفنان سمير صبري، ضيفا بحوار سابق ببرنامج “سيداتي أنساتي”، المذاع عبر فضائية “دريم زمان”.

وأضاف سمير صبري، أنه قام بالعمل مع الفنانة الراحلة شادية وأقام معها مسلسلات بالإذاعة، معقبا: “بحبها وبحب ليلي مراد ومحمد فوزى وعبد الحليم حافظ، وكانت سيدة عظيمة جدا، مكنتش هعمل أغنية سكر معها، لولا أنها سمعتني وانا بدندن الأغنية بالإنجليزي، وعجبتها فسجلتها معاها”.

وكشف عن تصميم الفنان الراحل رشدي أباظة بتغيير نهاية فيلم حكايتي مع الزمان بسبب أنه ليس هناك سيدة تتركه، قائلا: “واحنا بنصور النهاية ومن المفترض أنه يدي لوردة إبنتها ويخرج من المسرح باكيا، وقبل تصوير المشهد بصلي وقالي أنت تاخد مني انا الست، متخلقش الراجل اللي ياخد ست من رشدي أباظة، أفتكرته بيهزر”.

وتابع: “نده المخرج وقاله الموضوع وفضلت ساكت، وجه المخرج وقالي خلاص خليه ياخد البنت وهقفل المشهد وانت اللي بتعيط، وخلال العرض الأول للفيلم جت النهاية وانا يدمع الناس مصقفة، فقالي يابن الأيه سرقت الفيلم مننا، قولتله خلي الست تنفعك”.

وعن القبلة بينه وبين الفنانة وردة فى الفيلم، عقب: “بليغ حمدي كان زوجها ورفض القبلة دي، فحسن الإمام قالي بوسها من خدها قولتله مش عايز، هي كانت أكبر مني سنا وكانت تخينة وانا مكنتش مقتنع، قولتله كنت رفيع كدا والناس مكنتش هتصدقني وكان لساني فالت”.