EN 
أكد جمال حمزة نجم الزمالك السابق أن حياته كلها كانت في كرة القدم فهو من أسرة رياضية كروية لأن والده محمد سعيد نجم الزمالك السابق، وعمه جمال حمزة الكبير نجم نادي الترسانة السابق، ويسكن بالقرب من نادي الزمالك.
وأضاف حمزة في تصريحات لبرنامج "بره الملعب " على أون سبورت إف: عمي تولي قصة التدريب من وأنا صغير 4 سنين لما عرفت يعني ايه كورة ، لكن بدأت في نادي الزمالك وأنا عندي 8 سنين.
وأكمل : كابتن جمال الكبير كان بيمسك رجلي اليمين عشان اتعلم أشوط بالشمال فطلعت بعرف أشوط بقدمي اليمين والشمال وعلمني الارتقاء واللعب بالرأس، وفي الزمالك والدي أخدني أول يوم، المدرب طلب مني شوية تدريبات عملتها وقالي خلاص إنت معانا، كنت مبسوط جدا مكانش فيه فريق للسن بتاعي، دخلت مع الفريق الأكبر مني والسنة التالية كان في فريق وكملت في النادي لكن مقدرش أنكر إن والدي ساعدني في بداياتي مع الزمالك.
واستطرد مهاجم الزمالك السابق قائلا: كان في خلاف على اسمي لأن والدي كان عاوز يسميني جمال محمد سعيد، لحد ما كابتن الجوهري الصغير حسم الأمر وهو اللي اختار لي اسم جمال حمزة وقالي ده هيعلق مع الناس أكتر.
