علق الاعلامي خالد عليش علي حقيقة احتجازه في جنوب افريقيا خلال قضاءه شهر العسل بعد ظهور متحور أوميكرون.
ونشر خالد عليش بيان صحفي عبر حسابه الشخصي فيس بوك قائلا :" السادة الزملاء من الصحفيين و الإعلاميين انا مقدر جدا لجهودكم انكم توصلوا لمعلومة في إطار إنكوا بتطمنوا علينا ".
وتابع : "بس الواقع هو إن إحنا الحمد لله كويسين ..حقيقي ماكنش في داعي للعناوين الرنانة و المصطلحات الغريبة " شهر العسل قلب غم " " محتجزين " " شهر العسل باظ "
واضاف :" لحد الوقت اللي بكتب فيه ده احنا بخير و الاجازة بتاعتنا زي ما هي خلصناها قبل الميعاد بيوم بس و البرنامج السياحي عملناه كله و راجعنا الحمدلله و عملنا تحليل في مطار القاهرة قبل الدخول تطبيقا للاجراءات الوقائية الجديدة اسمه ID NOW ".
واضاف :" و طلع سلبي الحمدلله و هنستكمل الاجراءات الاحترازية اللي تم ابلاغنا بيها من الجهات المختصة
تابع :"المصريين يقدرو يروحو و يجوا جنوب أفريقيا عادي مع إجراءات و تعليمات
لأن مصر الطيران لغت رحلة واحدة بس اللي بتيجي و تروح جوهانسبرج و دي مكانتش طيارتنا اساسا ليه عايزين نكد و غم بالعافية .. احنا بننزل ستوريز و بنضحك و مبسوطين
ليه مصممين ان احنا في نكد الستوريز و الصور اللي بنزلها مش عشان تاخدوها تعملو عليها خبر .