EN
علقت الفنانة ريهام حجاج علي واقعة الذبح في الإسماعيلية، عبر خاصية «الاستوري» بحسابها الشخصي بموقع التواصل الاجتماعي لتبادل الصور والفيديوهات «انستجرام».
وكتبت ريهام حجاج: «جريمة الإسماعيلية مش حتكلم كتير علي الفعل الوحشي اللي حصل من حد شوفنا زيه متطرفين ومجانين كتير، أنا اللى مستوقفني بالفعل هو الزمان والمكان، إن ده يحصل في ميدان عام وفي عز الضهر !!!! وقصاد كل الناس دى اللى كانت بتتفرج، والمفزع هو ردود أفعال الناس (رغم أن المصريين معروفين بالشهامة والجدعنة والتدين).
وأضافت ريهام حجاج: «طيب لو قلنا أن ما حدش اتحرك عشان اتفزعوا أو خافوا من المجرم طيب اللي ماسك التليفون بيصور الجريمة وهى بتحصل هو فى إيه ولا فى إيه ؟ جاب منين القدرة علي مسك الموبايل وتصوير المشهد وهو بيحصل …ازاااااي الفكرة أصلا خطرت على باله إزاي بصراحة».
وأنهت ريهام حجاج: «مذبحة الإسماعيلية هى انعكاس للى وصلناله فى هوس السوشيال ميديا اللى تخلى واحد يهمه أنه يصور اللى بيحصل أكتر ما يهمه إنقاذ الضحية!! للأسف التكنولوچيا على قد ما ادتنا حاجات على قد ما موتت مشاعرنا وانسانيتنا، و لسة بيقولك ميتاڤايرال، إحنا استكفينا تكنولوچيا احنا محتاجين إنسانية وشهامة ومبادئ وطيبة ورحمة وأخلاق و ضمير».
جدير بالذكر أنه قررت النيابة العامة برئاسة المستشار حسن عادل رئيس النيابة العامة بنيابة تاني وثالث الاسماعيليه، التصريح بدفن جثمان الضحية الذي تم ذبحه، أمس الاثنين، في وسط مدينة الإسماعيلية.
واصطحب فريق من النيابة العامة، "دبور" المتهم بذبح شخص وفصل رأسه عن جسده، خلال دقائق من ارتكاب الواقعة، إلى مسرح الجريمة لإعادة تمثيل الواقعة في حضور القيادات الأمنية ورجال النيابة العامة، حيث قام بتمثيل الجريمة بشكل كامل، بعد استماع النيابة العامة، لأقواله واقوال شهود عيان الواقعة.
وأدلى المتهم بقتل محمد الصادق، ٥٢ عام، مقيم البلابسة، بنطاق دائرة قسم شرطه ثان أثناء التحقيق معه أمام النيابة العامة، باعترافات تفصيلية، حول الجريمة.
وأمر النائب العام المستشار حمادة الصاوي بسرعة إنهاء التحقيقات في حادث الإسماعيلية والذي أسفر عن مقتل شخص وإصابة اثنين آخرين، وانتقل فريق من النيابة العامة لمعاينة مسرح الجريمة.
وتجري الأجهزة الأمنية تحقيقات موسعة في واقعة إقدام أحد الأشخاص على قتل عامل ظهرًا بأحد شوارع الإسماعيلية للوقوف على ملابسات الحادث.
وتباشر النيابة العامة التحقيقات فى الواقعة وطلب التحريات وانتداب الطب الشرعي لإعداد تقرير الصفة التشريحية لبيان أسباب الوفاة.
وكشفت التحقيقات الأولية أن مرتكب الواقعة مهتز نفسيًا بالإسماعيلية "سبق حجزه بإحدى المصحات للعلاج من الإدمان" قام بالتعدي بساطور على عامل مما أدى إلى فصل رأسه.
