EN
كشفت الفنانة نشوى مصطفى، كواليس تعرض إبنتها للتحرش، وذلك من خلال منشور لها عبر حسابها الرسمي على “فيسبوك".
كتبت نشوى مصطفى: “النهارده بنتى اتعرضت للتحرش من العربية دى وفضل يزنقوا عليها واترهبت وهى سايقة على كوبرى ناحية الهرم المنصوريه وكلمتنى وهى مفزوعة قلت لها حاولي تصوريهم وعملو لها اشارات سافلة زي ماهو فى الصورة كده — الحمد لله ربنا ستر وبنتى موقعتش من على الكوبرى وهى مرعوبة من حجم العربية اللوري اللي بترهبها — حسبى الله ونعم الوكيل فيهم”.
يذكر أن كشفت الفنانة نشوى مصطفى عن سعادتها بالتطور الذى حدث فى الخدمات الالكترونية التي تقدمها جمهورية مصر العربية مؤخراً .
علقت نشوى عبر صفحتها على موقع فيسبوك قائلة: "بلدنا أد الدنيا، النهاردة كان عندى تجربة عظيمة منتهى الإيجاب والإحساس بالفخر بوطن عظيم بيتغير للأفضل وبالبرهان مش كلام، من سنتين تلاتة كنت بعمل توكيل فى الشهر العقارى فى التجمع الخامس، أول يوم روحت كانت الساعة 9 الصبح قالوا لى حضرتك اتأخرتى لازم تكونى هنا الساعة سبعة ونص تاخدى رقم، قلت لهم طيب ماخد رقم دلوقتى، قالولى الأرقام خلصت فوتى علينا بكرة، وروحت بكرة سبعة ونص وقفت طابور عشان أخد رقم، طابور طويل ولما وصلوا لنص الطابور قالو لنا خلاص الأرقام خلصت فوتوا علينا بكرة".
