EN
حلت النجمة دينا فؤاد ضيفة على موقع صدى البلد؛ لتكريمها عن أعمالها الناجحة في عام ٢٠٢١، بعدما حققت نجاحا كبيرا هذا العام، حيث انتهت منذ أيام حكاية ماريونيت، ضمن حكايات مسلسل وراء كل باب.
مسلسلات ناجحة في مسيرتها
وأكدت دينا فؤاد خلال ندوتها في موقع صدى البلد ، أنها جمعتها كيمياء واضحة بالفنان محمود عبد المغني في حكاية ماريونيت من مسلسل ورا كل باب .
وقالت دينا فؤاد: "أسير بخطوات ثابته مع شركة الانتاج بدايه مع الاخ الكبير مع محمد رجب مرورا بمسلسل الاختيار اللي اتكرمت عليه من القوات المسلحه و الرئيس عبد الفتاح السيسي وده كان اهم تكريم في حياتي ".
وأضافت: "مرورآ بمسلسل جمال الحريم اللي حقق حالة من الجدال والمشاهده العاليه واللي مالوش كبير مع نجمه لها جمهور علي مستوي العالم الوطن العربي بالملايين مثل ياسمين عبد العزيز وأخيرآ ورا كل باب".
وعن الكيمياء بينها وبين محمود عبدالمغني قالت: "تفاجأت به،أنا اعرفه على المستوي الشخصي من زمان من ايام مسلسل الدالي،ومن الناس اللي بحب اتفرج عليه".
اختتمت: "أنا من جمهوره ممثل تقيل عنده ادواته كفاية فيلم دم غزال ، وأيضا عمل مشهد واحد في فيلم صاحب المقام وقف الناس كلها بسبب مشهد فهو ممثل تقيل جدا".
شائعات زواجها
وردت الفنانة دينا فؤاد خلال ندوتها بموقع صدى البلد على مروجى شائعات زواجها.
وقالت دينا فؤاد: "لم أتعرض لأي هجوم او تجاوز من الجمهور وعندما يكون هناك تجاوز؛ هرد مش من حق حد يتجاوز في حقي ".
وعن الشائعات قالت دينا فؤاد:" دائما بيحصل شائعات لأن مفيش ممثل بيخلص من الشائعات؛ يمكن دايما الإشاعة اللي عليا إني اتجوزت أو اطلقت؛ وفي الآخر مش برد يعني حياتي الخاصةتكون خاصة بيا انا مش بتكلم فيها".
دينا فؤاد والسوشيال ميديا
وكشفت الفنانة دينا فؤاد خلال ندوة صدى البلد؛ عن اتجاهها في الفترة الأخيرة لاستخدام الفيس بوك.
قالت دينا فؤاد: "مبدئيآ أنا لست من الفنانين النشطاء على الفيس بوك ؛ ولكن اللي شجعني المؤلف محمد سيد بشير عندما تقابلنا في الچيم ؛ قالي فعلي الاكونت بتاعك الموضوع هيفرق معاكي جدا هتشوفي ردود أفعال غير خالص لو كنتي عملتي ده في اللي مالهوش كبير كنتي هتشوفي حاجه تانيه خالص".
تابعت: "فعلا فعلت الصفحة وجبت حد خبير فى سوشيال ميديا وبدأت اشوف ردود أفعال انا فعلا كنت في عالم تاني؛ الانستجرام حاجة والفيس بوك حاجه تانى خالص".
أكدت: "انت تشعر كانك في الشارع؛ انت قاعد مع الناس فردود الأفعال اللي جاتلي بقي حقيقية من ناس معرفهاش وكومنتات كتير من ناس معرفهاش ".
واختتمت: "كم الكومنتات اللي بتتكتب ايجابية علي كل حاجه بتنزل ده حسسني قد ايه احنا نجحنا ، أنا من المحظوظين بالناس اللي بيحبوني او الجمهور اللي بيتابعني".
أفلام دينا فؤاد
وتحدّثت الفنانة دينا فؤاد خلال ندوتها في موقع صدى البلد، عن مشاركتها في فيلم 200 جنيه وعن حقيقه مشاركتها في جزء ثان من فيلم حلم العمر .
وقالت دينا فؤاد :" السينما بدأت ترجع بشكل قوي، الافلام بدأت تحقق ايرادات بشكل كبير ، وفيلم 200 جنيه مبدئيًا شركة الانتاج ناس كويسين جدا في كلبش1 ، حصلت على شخصية انا لحد دلوقتي فعلا بحبها وبحترمها جدًا، وهي هدي بنت الشيخ صالح مع النجم أمير كرارة".
وأضافت دينا فؤاد: "بعدها عملوا مسلسل من الجاني كان كل حلقة جريمة قتل، كنت أنا يعتبر أول بطولة مع اياد نصار،الحمد لله كان وشهم حلو عليا ،لما كلموني علي فيلم 200جنيه ، فكنت موافقة اكيد كان معانا ممثلين كثيرين ، و كل حاجة طبعا حلوة وفي الاخر كل واحد له حدوتة عبارة عن مشهدين فانت موجود في وسط الناس دول بتعمل مشهدين تلاته وانا كان شغلي مع احمد رزق واحمد السقا ازاي اقول لا ولما دخلت الفيلم شوفت انه فيلم محترم، بيناقش كذا موضوع مهم".
أما عن فيلم حلم العمر قالت دينا فؤاد: "بيقولولي اعملي حاجة تشبه لانني مت في آخر الفيلم ، لو ماكنتش مت واتعرض عليا أعمل جزء تاني، كنت هروح هدية للفيلم مش هاخد حاجة من كتر ما بحب الفيلم ده".
اختتمت دينا فؤاد: “فيلم سعد رضا كنت عاملة أكتر من شخصية وكان حاجة جديدة عليا وردود الافعال كانت جيدة ، و نزل علي منصة وكان تريند وكان حديث الناس رغم الخطوات القليلة بس أنا شايفه الحمد لله إني أنا راضية عن خطواتي في السينما”.
