روى الفنان شريف منير خلال حواره ببرنامج " هنيدي شو " الذي يقدمه الفنان محمد هنيدي على فضائية " المحور " تفاصيل عن مسرحية" حزمني يا" يا والنجاح الذي حازت عليه بعد عرضها في مدينة الأسكندرية .

وقال الفنان شريف منير: "فترة اسكندرية كانت نقلة تانية لـ "حزمني يا" ومكنش عندنا يوم أجازة في الفترة دي".

وعلق عليه الفنان محمد هنيدي، قائلًا: "كنا بنخلص عرض في القاهرة الأحد وبعد كده نسافر على اسكندرية نعرض الاتنين في الإسكندرية وبعدها نرجع على القاهرة ونعرض الثلاثاء في القاهرة.

وتابع الفنان شريف منير حديثه وهو يسأل كل من محمد هنيدي ومدحت صالح ، قائلًا: "فاكرين إللي حصل في اسكندرية؟".

وقال محمد هنيدي بطريقة عفوية: "مش عايزين نفتكر".

وأكمل شريف منير: "كنا بنشوف 3 عربيات لوري أمن مركزي بيقفلوا شارع الكورنيش عشان الجمهور ويعملوا ممر للفرقة عشان تدخل بالأتوبيسات بتاعتها".

وقال محمد هنيدي: كان نجاح جميل أوي بس أنا مبحبش اشتغل أو اتفرج على مسرح مكشوف لأنك مبتبقاش حاسس بتفاعل الجمهور على عكس المسرح المقفول ".

وصرح الفنان محمد هنيدي ، أن من سبب نجاح مسرحية " حزمني يا " نجاح دويتو " وأنا ويايا بعيش " لمدحت صالح وشريف منير ومن ثم طلب الفنان محمد هنيدي من الفنان مدحت صالح بأن يغنيها لهم بمشاركة الفرقة الموسيقية .

شريف منير بيفكر هنيدي باللي كان بيحصل في إسكندرية .. وهنيدي: لأ مش عايزين نفتكر 😂😂 - YouTube