كشفت الفنانة منة فضالي عن سبب عدم حضورها مهرجان الجونة، قائلة: "مبحبش أكون موجودة في مكان مش مكاني .. عشان أكون متواجدة في مهرجان لازم كون عندي تكريم مثلاً أو هقدم مهرجان أو هقدم حد من زمايلي .. مش حابة أكون رايحة أتصور بس .. مش بسيء لحد .. بس أنا دايماً عندي تحفظ على النقطة دي".

وأضافت منة فضالي خلال لقائها مع برنامج "مساءDMC" المُذاع على فضائية "dmc"، قائلة: "أنا زمان كنت بروح أحضر كل المهرجانات والحفلات.. وكنت بحرص دائماً إني أكون متواجدة .. لكن مع الوقت .. كل ما الواحد بيكبر تفكيره بيتغير .. فمبحبش أكون رايحة أتفرج بس أو أروح في مكان مش حاسة بنفسي فيه".

وتابعت: "على الرغم من أن بيكون في المهرجان حاجات هادفة، وتكريم لزملائي .. إلا إني مبحبش أحضر بردو ودي حاجة غصب عني مش بمزاجي".

وأدفت منة فضالي: "أنا بشوف ناس غريبة جداً متواجدين في المهرجان وملهمش دعوة بالفنانين .. ومعرفش مين دول أصلاً .. ومعرفش بيتم دعواتهم بناءاً على إيه أصلاً".