روت الإعلامية بسمة وهبة، موقفا شخصيا حدث معها، أمس السبت، قالت إنه يعكس حالة الرضا في الشارع المصري عن السياسات التي تنفذها الحكومة المصرية، في ظل قيادة الرئيس عبدالفتاح السيسي.

وقالت وهبة خلال تقديم حلقة اليوم من برنامج «90 دقيقة»، الذي يعرض عبر شاشة «المحور»، إنها كانت ذاهبة إلى مدينة نصر، فاضطرت إلى استخدام أحد تطبيقات المواصلات الشهيرة بسبب استخدام ابنتها، لسيارتها: «فتحت الشباك وقلت الله، والسائق افتكرني بتكلم عن جمال المكان أو المنطقة أو الشارع أو الطريق، وقالي كلمتين حسيت فيهم حالة الرضا المصرية الحلوة».

وأضافت: «شاور لي على الطريق اللي كنا ماشيين فيه، وقال لي شايفة يا أستاذة؟! الطريق ده بقى عامل ازاي، وقال لي الله كل سكك مصر بقت سالكة وجميلة زي الطريق ده سالك، وبعد ما كان كله مطبات بقى أحسن».

وعلقت الإعلامية بسمة وهبة على كلام السائق، مؤكدة أنه صحيح للغاية، وعبرت الدولة المصرية كل المطبات في مختلف المجالات: «الشغل بقى في كل مكان، والمهم إن الكلمتين اللي سمعتهم من المواطن المصري الشريف فيهم كمية حب ووعي وإدراك لحجم ما يحدث على الأرض في البلد».