EN
حلّت الفنانة نادين مساء أمس ضيفة على برنامج “واحد من الناس” مع الإعلامي عمرو الليثي عبر شاشة قناة الحياة بعد عودتها إلى الفن، كما تطرق الحديث إلى زوج نادينعمدة أبو قرقاص.
وقالت الفنانة نادين إن رجوعها للفن كان بسبب مكالمة من الفنانة منى زكي، مضيفة "منى زكي كلمتني وقالتلي معايا فيلم وليكى دور مكتوب عليكي، وقولتلها منى إنتي مش واخدة بالك إني اعتزلت من 17 سنة، فقالت لى اللي زينا مش بيعتزل، والكلمة دي هزتني جدًا، وقلت لها لا قالت لي مفيش حاجة اسمها لا فكري وارجعيلي تاني".
وأوضحت الفنانة نادين أن اعتزال البالية أصعب من اعتزال الفن، مردفة: "كان أهون يقطعوا لي أصبع ولا أترك البالية".
سعاد حسني واعتزال الفن
وذكرت أن "خبر وفاة الفنانة سعاد حسني كان له دور كبير في قرار اعتزالي الفن، لكنه لم يكن السبب الوحيد".
وتابعت: "لما جه خبر وفاة سعاد حسني قفلت قفلة غريبة في إن أنا عمري ما حكون سعاد حسني، طب أنا قاعدة بضحي بإيه؟ أنا أحسن لي أكون في مكان تاني بعمل حاجة تانية وبنتج فيها، لإن أنا عمري ما حكون سعاد حسني".
حرب الشائعات
وقالت إن "من الحاجات اللي ضايقتني برضه الإشاعات، ده ثالث أهم مشكلة، هما دول التلاتة إحنا لخصناهم في إن أنا كنت بضايق الفنانين في الأعمال اللي بتتقدم، وقصة سعاد حسني، وثالثا الشائعات."
وقالت الفنانة نادين إن “زوجها هو نجل عمدة أبو قرقاص في المنيا وأصبح هو عمدة أبوقرقاص، واتقابلنا في الإسكندرية واعترف لى بحبه، وأنا عجبنى فيه الهيبة وخفة دمه وهو عمدة مودرن، وبنحس إننا لحد الآن مش متجوزين وكأننا مخطوبين، وعندنا بنتين وولد”، ليصبح زوج نادينعمدة أبو قرقاص مثار بحث كبير على محركات البحث.
ليالي أوجيني
وأضافت خلال لقائها ببرنامج واحد من الناس على شاشة الحياة مع عمرو الليثي "الوسط الفني تغير كتير حتى تكنيك الشغل اتغير، وفي ليالى اوجينى بعد ما خلصت تصوير قالوا لى استنى هناخد زوايا تانية فقلت دي آخرة نزول بتوع السينما للدراما".
وللمزيد حول زوج نادينعمدة أبو قرقاصوتصريحات الفنانة نادين مع عمرو الليثي عن زوجها وأولادها الثلاثة وسر اعتزالها الفن وعودتها مرة أخرى شاهد الفيديوجراف التالي:
