قدم الدكتور خالد يوسف خبير التغذية، عبر صفحته الشخصية على موقع التواصل الاجتماعي فيسبوك الفوائد الصحية لتناول الشمر.

الشمر فوائد لا تعد ولا تحصى..

١- مدر قوي للبول وبينقي الجسم من السوائل والأملاح المحبوسة، وفي نفس الوقت بيحافظ على توازن ضغط الدم لأنه غني بالبوتاسيوم، يعني بيعزز صحة القلب والعضلات.

٢- هايل للمناعة لأنه غني بفيتامين سي وده بيخليه كمان يعزز امتصاص الجسم للحديد ويساعد في علاج الانيميا.

٣- بيساعد في تنشيط حركة الامعاء ويمنع الامساك واللي بدوره بينقي جهازك الهضمي أول بأول وبيحافظ على صحته.

٤- هايل في الرجيم خاصة لأصحاب الشهية المفتوحة على البحري، لأنه غني بالألياف اللي بتبطء هضم وامتصاص الطعام. وتحافظ على احساسنا بالشبع مدة أطول، وتقلل الشهية والرغبة في الطعام.

٥- ممتاز كمان للحرق لأنه يحتوي على vitB6 اللي له دور كبير في عملية التمثيل الغذائي والحرق.

٦-ممنوع للحوامل، وينصح به للمرضعات لأنه بيزود إفراز اللبن، ولا ينصح به مع أدوية السيولة.

طريقة تحضير..
يصب كوب من الماء المغلى على معلقه صغيره شمر ويغطى ٥ دقايق ثم يشرب عندنا يبرد.