EN
تمتلك قدرًا كبيرًا من عزة النفس، والخوف الكبير على جرح مشاعر أبنائها الثلاثة أو احتياجهم إلى شيء لا تستطيع تلبيته حتى قررت ترك عملها في أحد الشركات، والعمل على «سوزوكي» أجرة من أجل أن تعيل أولادها بنفسها بعد طلاقها وزواجها من شخص آخر.
تقول سحر عبد الخالق، والشهيرة بـ «أم عادل» في فيديو لموقع «صدى البلد»: «عندي 30 سنة، متجوزة حاليًا، وعندي 3 أولاد من طليقي، وولد من زوجي الحالي، وجبت السوزوكي دي من ميكانيكي محترم استاذنته، وقولت له عاوزة أشتغل عليها، علشان أصرف على عيالي».
وعن كواليس حياتها، أضافت «سحر»: «كنت متجوزة وما حصلش نصيب، وانفصلت عن زوجي بعد 13 سنة، ومعايه منه 3 أولاد، ملك رايحة 2 اعداي، ويوسف رايح سنة 6 ابتدائي، وحسين رايح سنة 1 ابتدائي».
أما بالنسبة لتفاصيل تعلمها السواقة، فتوضح «أم عادل»: « أنا كنت شغالة في شركة في بوفيه ثم قعدت الفترة اللي كنت حامل، زوجي قالي اقعدي وما تنزليش الشغل تاني، هاعملك السواقة، لأنه كمان شغال سواق تبع شركة، ووافقت بدا لأني مش حابه حد يصرف على عيالي في حاجة، وباباهم اللي بيقدر عليه بيدهولي».
وتشير سيدة السوزوكي إلى أنها تعمل في هذه المهنة منذ سنة ونصف، وليست السيدة الوحيدة التي تعمل بها، وأن الناس تعودوا على رؤيتها، ولم تعد كمية الاستغراب من عملها مثل: البدايات، كما أنها تجد احترامًا واسعًا من الناس في المقابل، وتقديرًا لجميع أعمالها.
وتلفت سيدة السوزوكي إلى أنها أحبت السواقة في 10 أيام فقط، معلقةً: « حطيتها في دماغي إني عاوزة اتعملها رغم إنها من أكتر الحاجات اللي بتتعب الأعصاب والتفكير والتركيز».
وتؤكد سحر عبد الخالق إلى أن مدة عملها غير محددة، معلقةً: «لو الشغل كويس بفضل شغالة، وصاحب العربية بيسبهالي عادي، وما بيتكلمش معايه، ووقت ما بيحتاجها بيتصل بيه ويقولي أنا عاوزها، بروح اودهاله، والرزق بتاع ربنا هو مسامح وأنا مسامحة، اللي ربنا بيكرمني بيه بدهوله، وهو بيطلعلي اللي نصيبي فيه».
وتبين «أم عادل» أن العائد غير محدد في هذه المدة مؤكدةً أن أولادها الثلاثة يحرصون على زيارة والدهم، وهو أيضًا يعطى لهم ما يستطيعه من الأموال، لكنها أيضًا تتعهد بالعمل طالما أن الله رزقها الصحة من أجل توفير كل ما يحتاجه أولادها من متطلبات الحياة الطبيعية.
وتختتم سيدة السوزكي: « الناس لما بتشوفني بتحترمني جدًا وبتدعي: ربنا يعينك، ربنا يقوكي، والله انت بميت راجل، و في مرات كتيرة، تنزل ناس علشان يركبوا معايه، أو يحملوا ليه العربية من غير ما أنزل، لكن نفسي حد يدفعلي تقديمة سوزوكي أو ميكروباص، وتبقي بتاعتي ليه أنا وعيالي، وأنا أكمل أقساطها عادي».
