EN
رصد برنامج "تفاصيل"، المُذاع على فضائية "صدى البلد 2"، تقديم الإعلامية "نهال طايل"، تفاصيل جريمة قتل بشعة لموظف بالمرج ضربا بالرصاص.
وقالت "زوجة الضحية"، "زوجي كان بيشتغل في البيت، وفجأة سمعنا صوت ضرب النار، وناس بتصوت طلعنا نشوف في إيه لقينا حسن أخوه منزله على السلم وكله دم"، متابعة "زوجي كان معايا ومكنش فيه أي مشاكل مع أي حد".
وأضافت "شوفنا حسن أخوه نازل بيه كله دم، طلعنا بيه على المستشفى، وقعد أسبوع في الرعاية وبعدين توفى"، مؤكدة "كان حنين وكان طيب، وعمره ما زعلني، ومكنش يخليني أنام زعلانة، محمود كان طيب مع الناس كلها".
واستكملت "مكنش ليه مشاكل مع أي حد، وكل الناس كانت بتحبه، وكان بيقعد مع العواجيز والأطفال، محمود مكنش ليه مشاكل، كان بيجي من شغله ينام ساعتين وبعدين ينزل المحل".
وأوضحت "نزلت جري على الصويت شوفته، ولحد دلوقتي مش مصدقه أنه راح مني، وحاسه أنه في حتة وهيرجع.. محمد ابني دائما يعيط ويسألني على باباه ويقولي أبويا وحشني".
وأكملت "عندي 3 أولاد محمد وعبدالحميد وكريم، وعايزه حقه وحق عيالي، عايزه حق الأطفال الصغيرين مش عارفه أقول لأولادي أبوهم فين".
واختتمت “بقوم الصبح أدور عليه في الشقة والشارع مش لاقياه، بقول أنه في حته وهيرجع، بكذب نفسي وبقول هيرجع”.
