إيه النهاية الحزينة دي.. إسعاد يونس تودع دلال عبدالعزيز بكلمات مؤثرة.. شاهد

ودعت الإعلامية إسعاد يونس، الفنانة دلال عبد العزيز بكلمات مؤثرة، حيث نشرت صورة تجمعها بها من خلال حسابها عبر تطبيق إنستجرام .

وكتبت إسعاد يونس " و كأني بشبع من طلتك قبل ما تسيبينا , كنت متأكده انك لو خُيرتي، حاتفضّلي تكوني معاه، وهكذا شاء ربك.

إيه أسطورة الحب و الخير الجميلة دي؟، إيه الاتنين اللي شبه الملايكة دول؟، قولا و فعلا و شكلا و روحا؟، و إيه النهاية الحزينة جدا قوي خالص دي؟، اللهم لا اعتراض إرضاء ليك و استسلاما لمشيئتك، لكن، أستغفر الله العظيم، حزن ما بعده حزن".

وتابعت إسعاد يونس " كل اللي نقدر نقوله بناتك في عينينا و قلوبنا، هما و أزواجهم و حفيدتك، سلمي علي سمير و كوني جنبه في الجنة بإذن الرحمن، كملوا الأسطورة هناك، لأنكم خططتم حروفها علي الأرض بمعاني عمق المحيط.
لا إله إلا الله ".

وأعلن الفنان حسن الرداد عن وفاة الفنانة القديرة دلال عبد العزيز عبر حسابه الشخصي بموقع التواصل الاجتماعي لتبادل الصور والفيديوهات “إنستجرام".

وكتب حسن الرداد: "والله ما قادر أكتب ولا مصدق، توفيت إلى رحمة الله تعالى حماتى وأمى الغالية الفنانة الكبيرة #دلال_عبد_العزيز، أطيب خلق الله، عمرى ما شفت منك غير كل خير يا حبيبتى، ربنا يغفرلك ويرحمك و يجمعنا مع بعض فى الآخرة، عايز اقولك انك هتلاقى مفاجاة حلوة مستنياكى، هتلاقى حبيب عمرك اللى طول الوقت بتسالى عليه، هتوحشينا قوى يا أمى، ربنا يجمعنا مع بعض فى الآخرة".