EN
وجهت الفنانة نشوى رسالة إلى الفنانين من خلال حسابها على فيسبوك.
وكتبت:" احنا فى حالة حرب واللي مايكونش فى ضهر بلده يبقى مايستحقش يعيش على ترابها واللى مش شايف اننا بنتجر علشان ندخل حرب يبقى يركز ويشوف اوعو يخيل عليكم أن فلان بيتودد وعلان عايز يتصالح وترتان بيعزمنا على الغدا
بيكيدوا لبلدى واضحة زي الشمس وبيطلقوا كلابهم علينا عند المنبع.
وتابعت:" سلاحنا ضد كل الاعادى إننا نبقى ايد واحدة واننا نبقى فى ضهر رمز مصر رئيسنا اللي بيجاهد يحافظ على بلدنا اللي كانت بتتباع من سينا لحلايب وشلاتين بلدنا اللي معرفوش يقسموها قبلى وبحرى مسيحيين ومسلمين لو سيادته معملش حاجة غير انه خلانا مستورين جوه وطن عايشين فى قلبه مش على حدوده يبقى الحمد لله صحيح كل ده كان بتمن غالى.
وأختتمت:" اوعوا تفتكروا ان التمن الغالى هو سعر البنزين ولا الكهربا ولا سعر البامية والملوخية - التمن الغالى هو دم عيالنا رجالتنا اللي استشهدوا على ايد الانجاس علشان بناتنا يتصان عرضهم جوه وطن ليه بقول الكلام ده دلوقتى ؟؟ علشان اللي حصل النهارده مكنش يصح يحصل بلدنا كبيرة اوى اوى المفروض ا ننا ندعم ونسند ده احنا القوى الناعمة احنا اللي بنفضح خططهم مينفعش نكون خطوة بتدعمهم تحيا مصر ببركة الاوليا المدفونين فيها والانبيا اللي مشيو على اراضيها
