نشرت الفنانة شيماء سيف عبر صفحتها الرسمية على موقع التواصل الإجتماعى للصور والفيديوهات إنستجرام صورة جديدة لها.

و ظهرت فى الصورة برفقة المنتج هشام جمال، وعلقت قائلة:"كل سنة وانت قريب وحبيب واغلى من ما تتخيل انت عارف انا بحب الصورة دى اوى ليه عشان الوقت ده يوم فرحى كنت فى قمة التوتر ومكنش مسموح لحد يكون معايا غير ماما وانت وده علشان انت عارف انت بالنسبالى ايه ربنا يسعدك فى كل سنينك الجاية وتحقق كل الى تتمناه واكتر ودايما ناجح ومختلف وسابق بحبك قد الدنيا كلها وبحب اختلافتنا الى بنبقى بعدها اقوى واقرب بحب كل موقف عدينا بيه سوا وخلاني أتأكد انك مفيش ولا هيكون فى جدعنتك وحبك ليا ولكل اخواتنا من عيلة روزناما
بحبك اوى يااحلى اب ،ان شاء الله كل الظروف الصعبة تعدى ونرجع كلنا سوا تانى نضحك من قلبنا ونبقى فرحانين ونعمللك احلى عيد ميلاد فى الدنيا يفرحك زى ماانت دايما بتفرحنا فى كل وقت".

وقالت "شيماء سيف"،: "أنا مش مقتنعة إني كبرت في السن، لما حد يقولي أنا كبرت مش ببقي مقتنعة".

وأشارت: "السن بالنسبة لي مجرد رقم"، متابعه: "لو التليفزيون شغال وانا عديت من قدامه وسمعت أغنية بقعد أرقص، وطول الوقت بحب اهزر".

وتابعت: "ممكن أبقى بعيط وحاجه تشتغل أقوم أرقص، ومش متخيلة أكون ست جدة ويكون أحفادي قاعدين واقعد ارقص قدامهم".