EN
قالت الست دلال أشهر مسحراتية في رمضان، إن في البداية كان البعض يشعر بالاستغراب من كون سيدة تعمل مسحراتية، ولكن بعد ذلك اعتادوا عليها نظرا لأنها كانت تصاحب أخاها قبل وفاته، فاعتادوا عليها بعد ذلك، «فيه مواقف أكيد بتحصل بس الحمد لله بقدر عليها وبتغلبها وبالدبلوماسية بخليه يقتنع».
وأضافت “اشهر مسحراتية في رمضان”، خلال حوارها في برنامج “8 اصلبح” المذاع عبر فضائية “دي إم سى”، "أولادي كبار وبنتي بتسحر أخواتها، عقبال ماجي البيت، وزي ما بسحر الناس بلاقي اللي يسحروني، جيراني مطلعالي كوباية عصير، أو طبق كنافة".
وأشارت، “أنا مبسوطة بالشغلانة دي عشان أنا كنت محرومة منها زمان، ولما وعيت عليها حبيت إني أشبع رغبتي في وسطيهم، المسحراتي مراحتش عليه وهيفضل لمليون سنة قدام، لأنه زيه زي الكنافة والقطايف وفوانيس رمضان وزي النقشبندي، ينفع يجي رمضان ومنسمعش النقشبندي؟ المسحراتي بالظبط زيه، أول مسحراتي في العصر الإسلامي كان سيدنا بلال”.
وأكدت، " ناس كتير يطلبون أن أنادى علي اساميهم وأسامي أسرهم، حفظت أسامي ناس كتير منهم، ولكن يوجد بعض الأسامي التي لا تستطيع ان تتذكرها إلا إذا شاهدت وجه الشخص التي تنادم عليه".
وأوضحت، “صوتي يكون مجهد بسبب استمراري لمدة ساعتين في صوت مرتفع ومستمر، والفترة ما بين المغرب والسحور تستمر في شرب العديد من المشروبات الساخنة، وذلك حتي تستطيع من معالجة صوتها".
