EN 
قال الدكتور محمد الباز ، إن هناك محاولة من قبل جماعة الإخوان الإرهابية لـ "تسخين" المواطنين ضد قانون التسجيل بالشهر العقاري.
واضاف الباز خلال برنامجه "آخر النهار" المُذاع على قناة "النهار"، تفاصيل عن فتنة الإخوان عبر منصاتها باستغلال قصة قانون التسجيل في الشهر العقاري، موضحًا أن هناك جروب عنوانه "مش هنسجل يا سيسي في الشهر العقاري"، ويضم 5300 شخص.
واوضح محمد الباز : المفروض لما تلاقي مثل تلك الجروبات تفتكر أن دة جروب انشئ بعد ما طلع القانون بتاع التسجيل في الشهر العقاري، لكن لما تشوف هتلاقي الجروب انشئ من 6 سنين، وآخر اسم للجروب كان لا لقانون التصالح".
واشار الباز الي أنه لا يرفض الحوار حول القانون الجديد أو انتقاده، ولكن يجب أن نعرف أن هذا القانون ليس بالجديد ولكن تم الموافقة عليه يوم 5 سبتمبر 2020.
وأردف: "ناس بتقول القانون بيلغي صحة التوقيع على العقد، لكن اللي كتير مننا ميعرفوش أن صحة التوقيع ملهاش علاقة بنقل الملكية، لكن معناه أن شخص باع لمواطن، ومش من حق الورثة مثلا يقولوا لا دة مش توقيع والدنا".
وعن فائدة القانون الجديد، قال: "لما العقار يكون مسجل باسمك محدش يقدر يبيع الوحدة بتاعتك غيرك ودة بيمنع النصب، وأيضًا رفع قيمة العقار، لأن العقار المسجل يكون سليم 100% وكل أوراقه معتمدة".
