EN
نشرت الإعلامية أسما شريف منير فيديو لها من خلال حسابها عبر موقع التواصل الاجتماعى للصور والفيديوهات "إنستجرام".
وظهرت أسما شريف منير فى الفيديو بالمنامة وعلقت قائلة: "الإنسان العادي بينام ٢٦ سنة في حياته، بنقضي ثلث حياتنا نايمين ، إذا افترضنا أن متوسط عمره 75 سنة ،النوم بيستحوذ على 40% من أيام البشر، ده اللي هو ٨ ساعات في اليوم، مع انه رقم يخض بس هو استثمار في محله؛ لتحسين صحتك الجسدية والعقلية، وده قدر كافي من النوم يقوي المناعة وبيزيد من الخصوبة وبينظم الوزن".
وأضافت قائلة: "وفي المتوسط الواحد بيتقلب في سريره حوالي 7 سنين عشان بس يحاول ينام، ويمكن اكتر فا الواحد لازم يدور علي طرق تساعد على الاسترخاء ومحاربة الأرق، زي القراءة وتمارين التنفس أو حمام دافي..انا نمت كتير اوي في حياتي كا نوع من انواع الهروب من واقع مزعلني او حاجه واقفه قدامي مش عارفة احلها، ونمت في حملي كتير برضه، فاحسه ان فاتني كتير فا يومي اتشقلب و نومي اتشقلب و انا بحاول احتج و اقول لنفسي كفايه نوم و استسلام بقي، فا طبقت كتير و ده اثر عليا نفسيًا و جسديًا".
وتابعت قائلة: "فا اخدت قرار اني لازم اظبط نومي و اصحي بدري و انام بدري عشان الواحد من غير صحته كل حاجه في حياته بتكون اصعب عليه و علي اللي حواليه..ناموا بدري و اصحوا بدري و مضيعوش عمركم في النوم الكتير اللي مش مش مفيد او حتي عشان تهربوا..
واجهوا و ناموا في الوقت الصح و اصحوا في الوقت الصح و استمتعوا بيومكم و حياتكم لان في ٢٦ سنه اصلًا ضايعه من حياتنا في النوم..
اتفقنا؟اتفقنا يا رب يكون يومكم انهارده مليان طاقة و سعاده صباح النور".
اقرأ أيضًا:
يذكر أن أسما شريف منير شاركت مؤخرا والدها في تقديم برنامج "أنا وبنتي" عبر قنوات ON، والذي انتهى عرض أخر مواسمه قبل بداية شهر رمضان.
