EN
حرصتأسما شريف منير، على مشاركة جمهورها تفاصيل بدايتها في العمل الإعلامي، وذلك من خلال حسابها الرسمي على تطبيق "الأنستجرام".
وقالت أسما: "أول ما ابتديت اشتغل علي السوشيل ميديا كان الموضوع يبان سهل او هو كان فعلًا سهل عشان كنت بفتح الكاميرا و اقول كل اللي عايزه و خلاص لا كنت بفكر في إضاءة و لا كدر و لا اي حاجه و كانت الناس متفاعلة معايا و برضه هما مكنش بيفرق معاهم".
اقرأ أيضًا:
وتابعت: "بعد شويه حسيت اني محتاجة اطور محتوايا و لازم اركز في في الكواليتي اللي بقدمة هنا ابتدا الموضوع ميكنش سهل لاني ابتديت اشتغل مصوره و مونتيرة و اقدم محتوايا و اكتبه و نزلت جبت إضاءة و كاميرا و كل تفصيل التصوير، فا ده فضل يأخرني عشان عايزه اقدملكم حاجه محترمة تليق بيكم".
بينما أضافت :"انا باقولكم كده عشان حاجتين اول حاجه انا اسفة لو بتاخر عن تقديم الحاجات اللي بتطلبوها مني و تاني حاجه عشان انا محتاجه مصور يساعدني اني اقدم اللي نفسي فيه ، عندي افكار كتير اوي بس متكتفه، خدوا بالكم انا برضه ام و زوجه و عندي التزمات كتيرة فا عشان كده محتاجه مساعده، بشكركم علي متابعتكم ليا و علي دعمكم من اول يوم و اول ڤيديو عملتوا".
وإختتمت حديثها قائلة :"هفضل احاول لحد ما اوصل لاحسن طريقة اوصلكم بيها افكاري و اللي جوايا..اي حد مصور ڤيديو يعمل لنفسه او حد يعرفة تاج لصفحة شغلة عشان نتعاون مع بعض و نبتدي رحلة و نشتغل و نقدم فيها حاجات إيجابية مع بعض".
View this post on InstagramA post shared by 𝘼𝙨𝙢𝙖 𝙨𝙝𝙚𝙧𝙞𝙛 𝙢𝙤𝙣𝙚𝙚𝙧 (@asma.sherif.moneer) on
