EN
نشر الفنان رامز أمير صورة له وذلك عبر حسابه الخاص على موقع تبادل الصور والفيديوهات إنستجرام.
وظهر رامز وقدمه مصابة و علق على الصوره قائلا: " الحمد لله إنا دلوقتي فى البيت وبقيت أحسن كتير، إن شاء الله الفترة الجاية هبتدي علاج طبيعي وتأهيل على طول عشان ارجع اتشقلب بسرعة، وبالنسبة للإصابة مكنتش حابب اقولكم بظبط هي إيه عشان متزعلوش بس كله عاوز يعرف، أنا جالى قطع فى الرباط الداخلى فى الانكل وكسر فى الشظية ودول اتعملوا فى العملية الأولى، والصورة التانية للحجات اللى كانت جوة رجلى وشيلتها فى العملية التانية.
وتابع قائلا " الحمد لله عمر الشقى بقى، إن شاء الله هطمنكم أول بأول، هعيشكم معايا فترة التأهيل وهوريكم ازاي لما تقع تقوم تانى وتضحك على نفسك كمان. .يارب بس تجربتي دي تبقى حافز ليكم".
يذكر أن رامز أمير شارك كضيف شرف في مسلسل "الاختيار" الذي يتناول لأول مرة في الدراما المصرية، حياة الشهيد عقيد أركان حرب أحمد صابر المنسي.
المسلسل سيناريو وحوار باهر دويدار وإخراج بيتر ميمى، فى رابع تعاون بينهما في الدراما، بعد ثلاثية "كلبش" التي قدموها سويا، ومن إنتاج سينرجى.
والعمل بطولة أمير كرارة في دور "منسى" وأحمد العوضي بشخصية "الإرهابي هشام عشماوي"، والفنانة دينا فؤاد، وإسلام جمال، مع ظهور العديد من النجوم كضيوف شرف، مثل "آسر ياسين، ومحمد امام، ومحمد رجب، وصلاح عبد الله، وإياد نصار".
View this post on InstagramA post shared by Ramez Amir (@ramezamir_official) on
