رانيا منصور تحتفل بعيد ميلادها.. شاهد

الخميس 21/مايو/2020 - 11:33 م

نشرت الفنانة رانيا منصور، من خلال حسابها الشخصي بموقع "إنستجرام"، صورا من أحدث جلسة تصوير، احتفالا بعيد ميلادها".

شاهد.. رانيا منصور تشعل إنستجرام من داخل "حمام سباحة"

وظهرت "رانيا منصور" بإطلالة جذابة، وكتبت على الصور: "شكرا لكل الناس اللى بعتولى النهاردة يهنونى بعيد ميلادى بشكركم واحد واحد وبجد فرحتونى اوى يا رب تبقى سنة جديدة سعيدة عليا وعليكم علشان السنة اللى فاتت كانت صعبة اوى من اصعب السنين اللى عدت عليا فى حياتى شفت حاجات وعرفت ناس واتصدمت فى ناس كانوا اقرب حد ليا حصلت حاجات 🌸"

وتشارك رانيا منصور في بطولة مسلسل "اسود فاتح" بطوله هيفاء وهبي وأحمد فهمي وشريف سلامة وروجينا، من إخراج كريم العدل وتأليف أمين جمال ومن إنتاج شركة "الصباح إخوان"، حيث يدور احداث المسلسل في اطار اجتماعي وستكون تصوير مشاهد الحلقات بين مصر ولبنان حيث المنتظر عرضه بعد السباق الرمضانى 2020.

يذكر أن أحدث أعمال رانيا منصور، مسلسل نصيبي وقسمتك في حكاية "بدلة جديدة" مع شريف سلامة.

الحكاية الرابعة من مسلسل "نصيبى وقسمتك" من تأليف عمرو محمود ياسين وإخراج محمد جمعة، ومن بطولة شريف سلامة ورانيا منصور وشقيقتها نورهان وسلوى عثمان.

View this post on Instagram

شكرا لكل الناس اللى بعتولى النهاردة يهنونى بعيد ميلادى بشكركم واحد واحد وبجد فرحتونى اوى يا رب تبقى سنة جديدة سعيدة عليا وعليكم علشان السنة اللى فاتت كانت صعبة اوى من اصعب السنين اللى عدت عليا فى حياتى شفت حاجات وعرفت ناس واتصدمت فى ناس كانوا اقرب حد ليا حصلت حاجات لا يمكن كنت فى يوم اتصور انها ممكن تحصل اتظلمت وبقيت اسال نفسى هو اللى بيظلم دا بيعمل كدا ليه ؟بانت لى حقايق مكنتش شايفاها وعلى اد ما مهم ان الواحد يعرف الحقيقة على اد ماهى ساعات بتكون صعبة وقاسية وبتوجع وبتسيب جواك مشاعر لايمكن حتنساها فى يوم من الايام.... والظروف الصعبة دى مكانتش بس عليا ..فجاة بقى العالم كله بيمر بظروف صعبة ...بس ربنا مش بيجيب حاجة وحشة هو دايما بيكون عنده حكمة.... احنا كنا محتاجين نعد ونفكر ونفتكر ان الحياة الطبيعية السهلة كانت نعمة كبيرة واحنا مش حاسين واننا كنا ناسيين وملهيين فى زحمة حياتنا ان ربنا نعمه علينا كتير واحنا مكوناش حاسين بيها وكمان فى حاجات كتير كانت غايبة عن تفكيرنا وحاجات لازم نغيرها جوانا مش دايما الحاجات اللى بتبسطنا هى الحاجة الصح لينا واننا لازم نتعلم نقول لأ لاى حاجة او اى حد بياذينا ....انا اتعودت طول عمرى لما حد بيضايقنى انى اسامح وافوت وانسى واعدى وممكن اشوف الناس اللى ضايقونى واسلم عليهم كمان مش علشان هما يستاهلوا كدا بس علشان انا اكون كويسة ومحسش ان جوايا عقد وكلاكيع ...بس للاسف لاول مرة فى حياتى احس انى مش قادرة اسامح مش علشان انا فجاة بقيت وحشة، علشان اكتشفت انك ساعات لما بتسامح حد بيفتكر ان غلطه فى حقك حاجة عادية.... وفى كل مرة كنت بزعل وبضايق كنت بفكر انا ممكن اكون غلطت فى ايه انا ممكن اتعلم ايه من الغلط دا !! ... بالاقى نفسى متعلمتش حاجة بكتشف انه لو رجع بيا الزمن كنت حعمل نفس الحاجة هى هى علشان ببساطة ..دا انا ...والغلط ما كنش عندى الغلط كان فيهم هما...مش حتغير ولا عمرى حتغير بس اتعلمت ان فى ناس وجودها فى حياتنا مضر وانى لو سامحت وعديت ابقى باذنى نفسى ..وعايزة كمان اقول وعن تجربة كل حاجة بتتغير والناس بتتغير واوعوا تندموا على اى حاجة حلوة عملتوها علشان اللى مش عارف قيمتك دلوقت بيعرفها بعدين... معلش طولت بس هى شوية فضفضة فى عيد ميلادى بقى اتحملونى 😊 يارب السنة الجديدة تبقى سنة سعيدة عليا وعليكم شكرا جدا لكل حد بعتلى شكرا جدا على محبتكم انا واثقة ان الى جى احسن ربنا يتقبل دعواتى لنفسى وليكم رمضان كريم وعيد سعيد عليكم يارب 🌸🌷 Thank you @cake_up_egypt for my birthday cake i love it so much💗🌸💕

A post shared by Rania Mansour رانيا منصور (@raniamansourofficial) on May 21, 2020 at 12:20pm PDT