EN
أعلن المجلس الأعلى للجامعات عن استقبال التبرعات لراغبي توزيع الزكاة والصدقة الجارية بالمستشفيات الجامعية، وخاصة في ظل الظروف الراهنة.
وجاءت دعوة الاعلى للجامعات: "زكاتك وصدقتك هتكون لمين السنه دي؟ كل واحد فينا بيسأل نفسه في الظروف دي إزاي اقدر اساعد؟ واحنا بنقولك ان كل شئ ممكن يتعوض إلا الصحه!!! خالي زكاتك وصدقتك السنه دي للمستشفيات الجامعية".
واوضح أن المستشفيات الجامعية تمتلك: " ١١٣ مستشفي علي مستوي الجمهورية من بينهم ٣٥ الف سرير يقدمون الخدمة لـ ٢١ مليون سنويا حيث يتم استقبال ٣ مليون حاله طوارئ سنويا، و ١,٥ مليون عمليه جراحية، و ٧٠ الف مريض سرطان بيتم علاجهم و٦٠ الف عمليه قلب و ٣٠ الف جراحه عيون.
واستكمل: "يجرى سنويا ١١ الف جراحه مخ وأعصاب ٧٠٠٠ جراحه عظام ١٠٠٠ عمليه زراعه قوقعه سمعيه ٥٠٠ عمليه زراعه كبد وكلي كل الأرقام دي واكتر....بكتير الدولة بتصرف مبلغ كبير جدا علي المستشفيات الجامعية بس محتاجين مساعدتك معانا عشان نقدر نقدم خدمه أفضل ولعدد أكبر ".
وتابع: "عشان كده أنشأنا حساب تبرعات باسم المستشفيات الجامعية كلها هنقدر من خلاله نطور المستشفيات ونزود القدرة الإستيعابيه ونشتري أجهزه وأدوية ومستلزمات محتاجينها بشكل كبير دلوقتي!!! هنساعدك تتبرع وتحط زكاتك وصدقتك في المكان اللي يستحقها بس أنت خد القرار!!!".
